Позитивно, значи веќе подигнат визиран пасош
7:20 - Другар ме остава пред амбасада, одам у "кафичот" од спроти и шефот (така се претстави) ми вика влези напиј се кафе да не смрзнеш, што и направив.
7:45 - Одам пред амбасада во делот за чекање на минус температура заедно со други луѓе, претежно фамилии.
8:00 - Доаѓа обезбедувањето со лист хартија со имиња и почнува да ги вика внатре еден по еден низ металниот детектор. Јас бев 4 по ред после 2 фамилии и една фамилија која ја пушти поради тоа што беа со мали деца кои се смрзнаа - значи влегов во 8 20 или со други зборови се тресев од ладно.
Од тука натаму веќе не пратам саат пошто ни ги земаа мобилните ама цела процедура мислам дека траеше максимум саат до саат и пол пошто немаше општо гужва - најверојатно поради помалку барања за туристички визи во тој период.
Минуваш низ детекторот, оставаш мобилен и едно цд од ремедика со рендген сликите и обезбедувањето те упатува кон конзуларната зграда по скалите.
Влегуваш во зградата, здраво, разгледуваш и одиш кај еден дечко при првиот шалтер но од твоја страна кој ти ги зима документите, ти ги проверува и селектира што му треба. Документите кои ги носев имам ги наведено во темата за Македонија и може да ги видите
тука. Инаку дечкото низ брзање ми рече немаш извод, а јас сигурен дека имам (пошто 50 пати ги проверив) му реков дозволи и земав јас да го барам, го најдов и му го дадов. Рече ок седни си ќе те викнат на 2риот шалтер.
Седнав, ме викна ќелав дечко Македонец со goаtie брада, здраво-здраво, ми вика знаеш ли дека за да се квалификуваш треба да имаш средно - викам да. Добро ок ми вика, оди плати на 1 шалтер и дојди пак. Го направив тоа, се вратив кај него и после почна да споредува инфо од внесени податоци во дс260 со документи и ме праша неколку прашања за образование и моминското на мајка ми да го кажам. За кратко рече ок документите ти се добри, ме праша интервјуто на англиски може? - реков да, и ми даде еден број, рече седни си пак кога ќе го прочитат ќе одеш на шалтер.
За кратко откако еден млад дечко со фамилија зафрши ме викнаа и интервјуто почна. Конзулот млад дечко (доцни 20ти, рани 30ти),плав, насмеан. Значи ме праша околу 6-7 прашања од кои некои беа исти со оние од македонецот. Ме праша за образование; дали сум била во Америка (да) и како сум поминал (great,actually); дали сум вработен (да) и што работам; каде ќе одам во Америка, што ми е личноста каде што одам и дали планирам и на истата адреса да живеам (не, само за почеток); дали сум бил женет до сега (не); дали сум живеел во друга држава; и дали сум бил осудуван (не). Вика ok everything seems good, congrats and you can come tomorrow at 4pm to pick up your passport. Целото интервју траеше 2-4 минути и имав чувство дека е формално и дека истите прашања мора да ги постави за да заврши.
Една забелешка до сите кои што овде на овој форум пишуваат дека дечките од амбасада се ненормално љубезни. Овој ми е 2 пат да одам во амбасада во СК - Да, сите се љубезни до степен кој е нормален за цивилизирани луѓе. Ако некој беше стварно насмеан од сите таму тоа беште конзулот Американец. Имам чуство дека многу луѓе на форумот им е искривена сликата поради балканскиот шалтерски систем каде услугата е за пеза па кога стигат до нормален шалтерски работник го сметаат за многу љубезен. No offense, just an opinion
Ви посакувам среќа на сите кои ве очекува интервју, и најкорисен а можеби и за иста причина НАЈЧЕСТ совет е ОПУШТЕТЕ СЕ - немате реална причина за трема, плус доколку сте максимално опуштени оставате и подобар впечаток.
